Актаныш сәләтле балалар өчен гимназия-интернаты педколлективы һәм укучыларының уңыш серләре хакында ТНВ каналының «Белем доньясы» нда

Fri, 04 Nov 2016 09:34:40 GMT

4нче ноябрьдә 19 сәгатьтә ТНВ каналында эфирга чыгучы «Белем доньясы» тапшыруы Татарстан Республикасында милли мәгарифне үстерү, гимназия-интернатлар челтәре, аерым алганда быел үзенең беренче юбилеен бәйрәм итүче Актаныш сәләтле балалар өчен гимназия-интернаты эшчәнлеге темаларына багышланачак. Татарстан Республикасы Президенты Рөстәм Миңнеханов ярдәмендә бу шатлыклы вакыйгага тагын бер бәйрәм өстәлде: интернатта 100 урынлык яңа бина ачылды.

Татарстан Республикасының база мәктәпләренең башлангыч сыйныф һәм фән укытучылары диагностик тест узачак

Fri, 04 Nov 2016 09:32:49 GMT

2016нчы елның 3нче ноябрендә белем бирү сыйфатын тикшерү республика системасы чаралары кысаларында Татарстан Республикасының база мәктәпләренең башлангыч сыйныф һәм фән укытучылары өчен бердәм дәүләт имтиханының контроль-тикшерү материаллары буенча диагностик тест узачак.

База мәктәпләре укытучылары өчен диагностик тикшерү предмет эчтәлеге буенча белемнәрендә бушлык булган укытучыларга методик ярдәм күрсәтү максатыннан үткәрелә. Нәтиҗәләр Татарстан Республикасы Мәгариф һәм фән министрлыгында каралмаячак. Алар турыдан-туры мәктәпләргә һәм районнарның мәгариф идарәсе органнарына җибәреләчәк. Тест нәтиҗәләрен беркем дә, шул исәптән мәктәп администрациясе дә, оештыру карарлары кабул итү өчен кулланмаячак.

Тест нәтиҗәләрен Татарстан Республикасы Мәгарифне үстерү институты укытучылар өчен квалификация күтәрү программаларын төзегәндә исәпкә алачак.

2016-2017нче елларда беренче категорияле укытучылар, беренче һәм югары категориягә аттестация үтүче укытучылар тестлардан азат ителә.

Быел беренче мәртәбә тестларда башлангыч сыйныф укытучылары да катнашачак. Бу тестлар өчен материалларны Казан педагогия көллияте директоры А.Г. Җәлалова җитәкчелеге астында көллият белгечләре әзерли. Анда педагогика һәм психология буенча сораулар булачак.

Арчада татар теле һәм әдәбиятын укыту методикасын камилләштерү мәсьәләре хакында фикер алышачаклар

Sat, 18 Jun 2016 07:10:31 GMT

22 июньдә Арчада Г.Тукай исемендәге Арча педагогика көллияте базасында Татарстан Республикасы Мәгариф һәм фән министрлыгының татар теле һәм әдәбиятын укыту методикасын камилләштерү мәсьәләре буенча коллегия утырышы узачак. Коллегияда катнашучылар квалификация күтәрү, кабаттан әзерләү һәм әзерләү системасын заманчалаштыру, татар теле һәм әдәбияты укытучылары өчен методик озатып бару үзенчәлекләре, укыту рус телендә алып барылган мәктәпләрдә татар теле һәм әдәбиятын укыту буенча заманча технологияләр һәм актуаль аспектлар һ.б.турында фикер алышачаклар.

"Илкүләм ата-аналар комитеты" БДИ ны кире кагу өчен ил буенча имза җыя

Thu, 19 May 2016 15:05:27 GMT

ТР мәгариф һәм фән министры Энгель Фәттахов бүген Бердәм дәүләт имтиханын гамәлдән чыгару буенча Илкүләм ата-аналар комитеты инициативасын шәрехләде. Кичә шундый үтенеч белән ТР Президентына юлланачак мөрәҗәгатькә имзалар җыела башлаганын искәртик.

Элек министр, күп укучылар өчен БДИ "үз белемнәренә генә таянып, илнең әйдәп баручы вузларына керү мөмкинлеге биргән киләчәккә лифт" булды, дип билгеләп үтте.

Шул ук вакытта Фәттахов ассызыклаганча, БДИ бер урында тормый, үсеш ала, чыгарылыш укучыларына иҗади осталыкларын күрсәтү мөмкинлеге бирә: "Ике елда җиде фән буенча БДИдан тест алынды, чит ил телләре буенча инша, телдән имтихан кертелде, математика буенча БДИ база һәм профиль өлешенә бүленде".

Казанда туган теле рус теле булмаган укучылар өчен рус теленнән халыкара олимпиада уздырыла

Thu, 19 May 2016 14:29:40 GMT

Казанда 3-7 июньдә туган теле рус теле булмаган мәктәп укучылары өчен рус теленнән халыкара олимпиада үткәрү планлаштырылган. Май ае башында онлайн-тестлаштыру рәвешендәге читтән торып сайлап алу турыннан соң, ә анда 3 меңләп 8, 10 нчы класс укучылары катнашыр дип көтелә (былтыр 2,7 меңләп булган), көндезге этапта 200ләп катнашучы Казанда Универсиада авылында торачак (былтыр 100 кеше килгән). Олимпиаданы башлау тантанасы ТР халыкларының Дуслык йортында була. Искәртеп үтик: туган теле рус теле булмаган мәктәп укучылары өчен рус теленнән халыкара олимпиаданың беренчесе 2014 елда уздырылган иде.

Казанда республика мәгариф системасы актуаль мәсьәләләре хакында фикер алыштылар

Thu, 19 May 2016 14:27:19 GMT

13 майда Казанда Татарстан Республикасы Премьер-министры урынбасары -мәгариф һәм фән министры Энгель Фәттахов, муниципаль районнар һәм шәһәр округларының мәгариф бүлекләре һәм идарәләре башлыклары катнашында республикакүләм киңәшмә узды. Киңәшмә барышында 2016 елда 9 һәм 11 сыйныф укучыларының дәүләт йомгаклау аттестациясен оештыру һәм үткәрү, югары һәм урта һөнәри белем бирү оешмаларына максатчан кабул итүнең гамәлгә ашырылуы һ.б. хакында сүз барды. Моннан тыш, киңәшмәдә катнашучылар 2016 елда мәктәп укучылары Бөтенроссия олимпиадасының региональ һәм йомгаклау этабы нәтиҗәләре хакында фикер алыштылар.

Интернетта яңа “Әлбәттә” мәгариф проекты барлыкка килде

Wed, 09 Mar 2016 16:38:01 GMT

Интернетта яңа “Әлбәттә” мәгариф проекты барлыкка килде. “Әлбәттә” — татар фәнен киң аудиториягә ирештерү максаты белән башлап җибәрелгән фәнни-популяр проект, дип аңлатыла әлеге сайтта.

Аның кысаларында хәзерге көн күренекле татар галимнәренең татар халкы тарихы, тел белеме, әдәбияты, сәнгате һәм фольклорына кагылышлы кыска видеолекцияләре тәкъдим ителәчәк.

Хәзергә сайтта тарих фәннәре докторы Дамир Исхаковның “Татар халкы каян килеп чыккан?” темасына лекция тыңларга мөмкин. Анда татар халкының килеп чыгышы турында нинди теорияләр булуы, аларның көчле һәм йомшак яклары хакында сүз бара.

Татарстан Республикасы Мәгариф һәм фән министрлыгы йомгаклау коллегиясе утырышының турыдан-туры трансляциясе

Sun, 31 Jan 2016 11:24:57 GMT

2016 елның 1 февралендә Татарстан Республикасы Мәгариф һәм фән министрлыгының "ТР Мәгариф һәм фән министрлыгының 2015 елдагы эшчәнлегенә йомгак һәм 2016 елга бурычлар" дип аталган темага узачак йомгаклау коллегиясе утырышының турыдан-туры трансляциясе оештырылачак. Утырышта Татарстан Республикасы Премьер-министры урынбасары И.Ш.Халиков катнашуы көтелә.

Турыдан-туры трансляциягә сылтама: http://letaitv.ru/mon/

БРТ ка әзерлек

Sun, 24 Jan 2016 10:00:30 GMT

Бу вариантлар рус телендә укучы балалар өчен әзерләнгән. Алар татар теле һәм әдәбияты укытучыларының берләшмәсеннән алынды.

Иң күп укыла торган китаплар

Sun, 24 Jan 2016 09:44:19 GMT

Сылтама http://matbugat.ru/news/?id=13728